最终冲刺_最终冲刺 喷射战士
奇闻趣事 2023-05-05 10:23www.bnfh.cn奇闻趣事
冲刺
当一个学期来临之时，本人发觉时间过得实在太快啦，系我完全无准备的情况下，又系时候开始做毕业设计，D个设计难度之大，比当年建造巴伦通天塔仲大，点解甘讲呢？因为每当我问指导老师的时候，距就会好开心甘同我讲“哈哈哈，你都未睇书，番去睇下书先啦。”其实，有好多野唔系睇书就可以睇到出来，甘我唔识做，点睇书啊！如果我识做，仲使乜你指导我。不过，我都系凭借师兄果份野，原版COPY开头，有左一个基础，后面的一样系唔识做，都唔知点死好，仲有一个月就要交啦，唔知到完成唔到老师会唔会帮我做呢？D个可能性通过我部超级垃圾电脑计算过，机率为0.000158%.....
唔单止系设计要赶，仲有一个更艰巨的任务，我竟然错手又报左今年四级，本人对有关英语的一切一直无乜好感（除左英语老师），依希记得，上次四级我成份卷充满对改卷人的人生攻击，所以我一直都未知上次四级有几分，大概好难有双位数。计算一下时间，做完设计，唔算答辩时间，都仲有几日时间可以复习英语。
仲有关于打机方面的问题，其实我一直都对打机D种甘无前途的行为好反感，连带对成日打机的人都好反感，所以后来竟然搞到我对自己好反感，D个系简单的逻辑推理问题。但系无办法，好汉敌不过人多，系周围一片打机声中，无奈我表现得最积极响应，又系一个学校的悲哀。
从听日起（可能系后日，又可能系大后日，唔会系今日）我要认真去做毕业设计，争取系三个星期内基本完成，然后再积极去配合各公司的用人要求包装自己，系发到毕业证之前稳到一份人地睇落去好满意的工作（个人喜好系做保安）。为左达到预期目标，希望各位同学，尽量少D叫我打机，睇到我打机的，要努力甘指证出我的错误（指打机过程中走位或者配合、战术方面的错误）
，多谢大家一直以来对我的支持同鼓励，我身体已经好得6677，快到7788，所以大家唔使担心我，成日问我死得未，又或者系问我几时打得球（打球时间我将会视心理情况作出决定）。谢谢！
上一篇：伤风游戏
下一篇：﹏I LOVE YOU